Back Juan Carlos I Afrikaans Chuan-Carlos I d'Espanya AN Iohannes Carl I Spena Cyning ANG خوان كارلوس الأول Arabic خوان كارلوس الاولانى ملك اسبانيا ARZ Xuan Carlos I d'España AST I Xuan Karlos Azerbaijani بیرینجی خوآن کارلوس (ایسپانیا) AZB Chuans Karluosos I BAT-SMG Juan Carlos I BCL
.jpg)
Dr Juan Carlos I. [ˈxu̯an ˈkaɾlɔs] (* 5. Januar 1938 z Rom as Juan Carlos Alfonso Víctor María de Borbón y Borbón-Dos Sicilias; die dütschi Form Johann Karl I. brucht me nid, im Geegesatz zu historische Monarche) isch vom 22. Novämber 1975 bis 18. Juni 2014 Köönig vo Schbanie gsi. Er stammt us em Huus vo de Bourbone und isch Mitgliid im Club of Rome und dr Bruederschaft St. Christoph.
Dr Juan Carlos I. isch dr eltist Soon vom Juan de Borbón y Battenberg und eso dr Änkel vom Köönig Alfons XIII. vo Schbanie. Si Mueter isch d María de las Mercedes de Borbón y Orléans gsi. Bekannt isch dr Juan Carlos vor allem für die wichdigi Rolle, won er bim Ändi vo dr frankistische Diktatuur und bi dr Iifüerig vo dr Demokratii z Schbanie gspiilt het.
Am 14. April 1962 het dr Juan Carlos z Athen d Prinzessin Sophia vo Griecheland ghirote. Us dere Ehe stamme d Chinder Elena (* 20. Dezämber 1963), Cristina (* 13. Juni 1965) und Felipe (* 30. Jänner 1968).
Am 2. Juni 2014 het dr Ministerpräsident Mariano Rajoy bekannt ggää, dass dr Juan Carlos abdanke und dr Prinz Felipe als Köönig Felipe VI. d Thronfolg aatrette duet. Dr Juan Carlos I. bhaltet uf Läbeszyt si Ehretitel als Köönig.